Napaay iti negosasion iti nagbaetan ti Estados Unidos ken Iran a nairanta a palawaen iti agdama a ceasefire, segun kenni US Vice President JD Vance.
Kenuna ni Vance nga adda dagiti “substantive discussions” ngem awan ti nagun-od a katulagan kalpasan ti nasurok a 21 nga oras a meeting manipud Abril 11 agingga Abril 12, 2026.
Dimmar-ay iti saritaan dagiti pannakabagi manipud ti Estados Unidos, Iran, ken Pakistan, a pakairamanan da US special envoy Steve Witkoff ken Jared Kushner, a manugang ni Presidente Donald Trump.
Panggep ti negosasion a pawaywayan iti cease-fire a naipatungpal idi Pebrero 28 iti sidong ti Operation Epic Fury kalpasan ti innem a lawas a gubat idiay Iran.
Karaman kadagiti natalantan nga isyu iti uranium enrichment program ti Iran, seguridad iti Strait of Hormuz, ken dagiti kondision para iti natibker a ceasefire.
Iti laksid ti pannakapaay, agtalinaed a silulukat iti posibilidad ti kabaruan a saritaan bayat nga ipagpaganetget ti Estados Unidos ti napigsa a takderna maipapan iti seguridad ken nuclear program.###
