LA UNION – Sumangsango ita iti kaso a panaglabsing iti sec. 11 ken section 12 iti Article 2 ti R.A. 9165 (Comprehensive Dangerous Drugs Act of 2002) iti maysa a misis a drug surrenderee.
Daytoy ket kalpasan a makemmeg iti insayangkat a search operation dagiti otoridad idi rabii iti mismo a balay ti suspek, a nabigbig iti nagan a Jennifer Orlino, 46, addaan ti asawa, negosyante, idiay Barangay One, San Fernando City, La Union.
Base iti record ti pulisiya, iti suspek ket maysa a drug surrenderee ken kabilang iti drug watchlist kas user ken pusher ti maiparparit a droga.
Kinumpiskar ti raiding team manipud iti suspek iti 2 a heat sealed plastic sachet ti mapapati a shabu, 4 a rolled aluminum foil, ken maysa a round plastic container.
Ni Orlino ket agtaltalinaed iti kustodiya dagiti otoridad ken nakatuding a maidatagan ti maitutop a kaso ita nga aldaw.
