LA UNION – Naruk-atan met laeng manipud iti custodiya dagiti otoridad idiay Bauang, La Union iti maysa a 60-anyos a negosyante kalpasan a makumpiskaran iti paltog ken bala idiay Barangay Paringao, Bauang, La Union.
Babaen iti bileg ti search warrant nga impaulog ni Judge Romeo Atillo Jr. ti RTC Br 31 idiay Agoo La Union sinukimat dagiti otoridad iti pagtaengan ti suspek, managan Marcus Corpuz, awanan ti asawa, residente ti nasao a barangay.
Kas resulta, nakakumpiskar dagiti kameng ti Bauang Police Station iti paltog a kas ti shotgun ken cal. 45 pistol, ken naduma-duma a bala ken magazine.
Nupay kasta, napalubosan met laeng kalpasan a nagbayad ti piyansa nga umabot ti P100,000.00
