Determinado ita ti Filipino boxing champion a ni Nesthy Petecio a makwalipikar para ti 2028 Los Angeles Olympics kasaruno ti progreso ti International Olympic Committee (IOC).
Ni Petecio a two-time Olympian ken 2024 Paris Games bronze medalist ket tarigagay a magun-od ti kaunaan a balitok a medalya ti Olympiada ti Pilipinas para iti sports a boxing.
Nangipeksa isuna iti panagyaman ti IOC para iti panangaprobar da iti provisional recognition ti boxing a nangpasigurado ti kaadda ti sport kadagiti sumaganad nga Olympiada.
Nagpeggad ti estado ti boxing iti Olympics kalpasan a saan nga bigbigen ti IOC iti International Boxing Association (IBA) gapo iti isyu ti panangimaton.
Daitoy nga awan kasiguraduan ket nangigubuay kadagiti boksingero a nagdanag ti masakbayan ti sport da.
Nupay kasta, babaen metten ti pannakikoordinar ti adu a pagilian, nagtalinaed iti boxing iti Summer Olympic Games lineup.
