LA UNION – Naarestar iti maysa a lalaki, a makunkuna a newly identified drug personality, babaen iti buy bust operation nga insayangkat dagiti miyembro ti PDEA Region One, partikular iti maysa nga apartelle ti Barangay Pagudpud, San Fernando City, La Union.
Nabigbig ti suspek iti nagan a Roel Patrala, 32, residente ti nasao met laeng a lugar.
Kas resulta iti nasao nga operasyon, umabot ti tallo (3) a pidaso ti plastic sachet iti maipagarop a shabu ken maysa pay a plastic sachet ti shabu a nailako iti P4,000.00 agraman ti P1,000.00 bill a nagserbi a marked money iti nakumpiskar dagiti otoridad manipud iti suspek.
Gaputi daytoy, kaso a panaglabsing iti RA 9165 iti maidatag a kaso maikontra iti nasao a suspek.
