Nangiyuswat iti assessment ti National Irrigation Administration kadagiti irrigation projects ti nagduduma a paset ti pagilian.
Daitoy ket iti kangitingitan ti nakaro a panagtudo ken nalawa a panaglayus manipud idi dimmuprak iti Bagyong Crising idi napalabas a lawas kasta met iti epekto ti agraraira a Southwest Monsoon wenno Habagat.
Indauloan ni NIA Administrator Engineer Eddie G. Guillen ti nasao nga assessment ken dinakamat na iti agdama nga estado dagiti major dam babaen iti panagimaton ti ahensya.
Inlasin na pay iti estado dagiti irrigation projects, canals, ken dadduma pay nga istruktura a napateg para iti irrigation system ti pagilian.
Ksaruno daitoy ket binilinen ni Guillen iti tunggal NIA Regional Manager ti intero a pagilian a mangisubmitir iti bukod da a Typhoon Damages Report mainaig met kadagiti masakopan da wenno area of responsibility kasta met iti validation certificate manipud iti Office of the Civil Defense (OCD).
Kinuna ni Guillen a dagitoy a damage report ti maaramat iti panangilasin kadagiti mabalin nga agbalin a sungbat da kadagiti pasilidad ti irigasyon a maapektaran ti didigra.
