Imbutaktak ti legal team ni sigud a Presidente Rodrigo Duterte iti rason ti panagkiddawda ti adjourn proceesings.
Segun kenni Nicholas Kaufman, makapadpadas ni Duterte ti ‘cognitive impairment’ isunga saan a mabalin a dumar-ay ti panagdingeg. Saan na payen a mabigbig dagiti annak na ken saan na payen a malagip dagiti kaso a sangsanguen na.
Mamati ti kampo a saan a sumayaat iti salun-at ti sigud a Presidente isuta kidkiddawen da iti Pre-Trial Chamber a rumbeng nga i-adjourn amin dagiti legal proceedings.
Nagsubmitir da metten dagiti extensive medical information iti ICC.
Immunan a nakiddaw ti kampo a palubusan ti gobyerno ti Pilipinas iti panangpaawid kenkuana no naaprobaranen iti interim release.###
