Nangiruar ti opisyal a waragawag iti Embassy of the Federal Republic of Nigeria idiay Manila mainaig iti pannakatay ti Ateneo de Manila University basketball player ken Nigerian student-athlete a ni Divine Adili.
Segun iti embahada, makikokoordinar da iti pamilya ni Adili, iti liderato ti Ateneo, kadagiti ahensia mangipatpatungpal ti linteg, ken iti dadduma pay a maseknan nga otoridad.
Malaksid kenni Divine, pimmusay met iti insidente ni Rene Baterbonia a tubo idiay Agusan.
Kiniddaw ti pamilya ni Adili a mangisayangkat pay nga umuna ti autopsy sakbay iti repatriation ti bangkay na agsubli idiay Nigeria.
Nakapamaysa met iti embahada iti panangipaay ti suporta iti pamilya ken iti naurnos a panangaramid dagiti kasapulan a proseso.
Nagpanawagan iti embahada iti Nigerian community iti Pilipinas nga agtalinaed a kalmado ken liklikan iti panangiwaras dagiti pattapatta ken saan a beripikado nga impormasion iti social media bayat nga agtultuloy iti imbestigasion.###
