LA UNION – Apektado dagiti stall owners kagiddan iti pammilin ti City Government nga suspencion ti night market epektibo ita nga aldaw March 14, 2020 ditoy ciudad ti San Fernando, La Union.
Iti pannakiuman ti Bombo Radyo La Union iti presidente ti night market a ni Liezl Gaerlan, kinuna na a apektadoda ti suspencion agsipudta ditoyda laeng a mangnamnama ti pagbiaga para iti pamilya.
Numan ammoda ti maipapan iti Covid 19 ket maipagarop a saanda nga pabor iti nasao a pammilin agsipudta saan pay nga apektado ti La Union.
Kinuna na nga agtataripnongda kadagiti pada na a night marker vendors no anya iti nasamay nga aramiden maipapan iti nasao a pammilin.
Kabayatan na, mangnamnamada a kuma ket saan nga agpaot ti suspencion tapno maituloy da latta iti panaglakoda.
Maipalagip, agingga ti agdama ket agtaltalinaed a Covid 19 free ti sibubukel a Region 1 karaman dita iti probinsya ti La Union.
