LA UNION – Adda itan iti ikot ti pulisya ti 64-anyos a lakay nga addaan ti kaso a four counts of rape idiay ili ti Balaoan, La Union.
Kinuna ni Maj. Lawrence Ganuelas, hepe ti Balaoan Police Station, kinunana a nakatulong ti social media tapno maammuan ti lugar a naglemmengan ti suspek.
Apaman a naammuanda ti eksakto a lokasyon ti nadakamat a lakay idiay Camarines Norte ket dagusda a nagturong sadiay tapno tiliwen daytoy.
Sigun kenni Ganuelas, aganay uppat a tawen a naglemmeng ti suspek kalpasan a naiyatnag ti warrant of arrest kontra kenkuana gapu iti maipagarup a pananggaramesna kadagiti dua nga apo daytoy.
Ti nasao a suspek ket maibilang kas No. most wanted person iti probinsya ti La Union.
