Inwaragawag ti Makati Business Club (MBC) a saan a kayat ti gobyerno nga awagan a “krisis” ti agdama a sitwasyon iti presyo ti langis tapno maliklikan ti panagpanic ti publiko.
Segun kenni Chairman Edgar Chua, narigat a panunuten nga awan ti krisis ditoy pagilian gaputi agtultuloy a panagngato ti diesel a limbesen iti P100 kada litro, agtultuloy a panagkapsot ti piso kontra dolyar, ken kaawan ti panniguro iti suplay ti langis kalpasan ti bulan ti Mayo.
Impaganetget na, rumbeng nga ipakaammo kadagiti umili a saan a normal ti kasasaad ken kasapolan ti dagus a plano ken longtime solution.
Iti biang ti Malacañang, imbaga ni Communications Undersecretary Claire Castro a saan a krisis ti mapaspasaran ngem ketdi “price disruption,” ken adda pay laeng umdas a suplay ti langis.
Nupay kasta, impaganetget ni Chua a ti panangawag daytoy kas krisis ket makatulong a maipa-kaawat iti publiko a saanen a “business as usual” ken mangrugin nga agurnong ken oras ti panagtitinnulong.
Sumagmamano a kompanya ti nangipatungpal kadagiti work-from-home ken energy-saving measures kas sungbat iti sitwasyon.
Nagpanawagan pay ti business group nga agkaykaysa ti gobyerno, pribado A sektor, ken lokal a gobyerno tapno makissayan ti epekto nangruna kadagiti nakurapay.
Laksid iti panagkedked ti gobyerno nga adda krisis, namnamaen latta nga agtultuloy a ngumato ti presyo ti langis ken mas nadagdagsen nga epekto iti ekonomiya ti pagilian.
