LA UNION – Posible a ti ‘no election’ issue ti makagapu no apay a napatakyas ni Cong. Pantaleon Alvarez kas lider iti Kamara de Representante.
Kinuna ni Atty. Gerry Cirillo, mabalin a saan a nagayata dagiti kongresista iti pagparparangen ni Alvarez a saan a matuloy iti 2019 mid-term election.
Napatakyas ti sigud nga house speaker tapno salakniban ni Pangulo Rodrigo Duterte manipud ti ibagbaga daytoy a saan a matuloy ti binnutusan a maikontra iti tagigagay ti pangulo.
Kayat ngamin ti pangulo a matuloy iti eleksyon iti sumaruno a tawen.
Impaganetget ni Atty. Cirilo a no awan ti eleksyon ket kasla agparang a napukaw iti demokrasya ken saan a nasurot iti nakailanad ti constitustion.
