LA UNION – Lalo pay nga inirutan ti San Fernando City PNP iti ipat-patungpal na a gun ban tapno masiguro iti naannayas a Barangay ken SK elections inton Mayo 14, 2018.
Iti ekslusibo nga interview ti Bombo Radyo La Union kenni PCI John Guiagui, agdama a hepe ti San Fernando City PNP, paset iti nair-irut nga implementasyon ti gun ban iti panangisayangkat ti PNP-Comelec checkpoints iti naduma-duma a suli ti syudad.
Impaganetget na nga awan ti permanente nga oras ken lugar iti ipat-patungpal da a checkpoints tapno masiguro a saan a makalusot iti siasinuman nga agik-ikot ti paltog ken dadduma pay a deadly weapons.
Malaksid dayta, mangisay-sayangkat pay dagiti otoridad iti sorpresa nga Oplan Kapkap kadagiti establisimento partikular kadagiti night club wenno bars.
Iti gun ban ket nangrugi a maipatungpal idi Sabado, April 14 ken agpatingga inton May 21, 2018.
