LA UNION – Nainget itan a maipat-patungpal idiay Balaoan La Union iti “No Vaccine, No Entry Policy” partikular iti merkado publiko ti nadakamat nga ili.
Daytoy ket kalpasan a pinirmaan ni Balaoan Mayor Aleli Concepcion iti Executive Order No. 2020-01-001, a mangimanmandar kadagiti amin a sumrek iti public market a nasken a mangipakita dagitoy ti valid ID ken vaccination card.
Malaksid idiay ili ti Balaoan, maipatpatungpal metten ti kapada a direktiba kadagiti dadduma nga ili ditoy probinsiya agraman ditoy syudad ti San Fernando.
