Nagpaputok ti North Korea dagiti ballistic missile iti East Sea itay bigat.
Daytoy ti kabaruan a missile launch ti NoKor kalpasan ti nasurok lima a bulan sipud idi nangisayangkat da ti kauddian a missile test.
Segun iti Chiefs of Staff ti South Korea, nadetect da iti nasao a projectiles a mapapati nga short-range ballistic missiles ken maiparagop a nailunsad manipud iti maysa a lugar idiay Junghwa ti North Hwanghae Province.
Daytoy met ti kaunaan a ballistic missile provocation ti NoKor sipud iti panagtugaw ni SoKor President Lee Jae-myung idi Hunyo.
Insayangkat met ti NoKor iti missile launch sakbay iti nakaituding nga APEC Summit dagiti World Leaders no sadino iti South Korea iti host ita a tawen a maangay inton sumaruno a lawas ken sakbay iti posible a panagtaripnong da US President Donald Trump ken Chinese President Xi Jinping idiay South Korea.###
