Pormal a naiyuswat iti Bantay Senado, maysa a non-partisan citizens group, idi kalman, umuna nga aldaw iti bulan ti Hunyo.
Ti nasao a grupo ket agserbi a ‘citizens monitoring group’ nga addaan tarigagay a bantayan ken tutukan dagiti pasamak idiay senado partikular iti panangusig na iti ‘impeachment’ kontra kenni Vice President Sara Duterte.
Ti baro a ‘citizens monitoring group’ ket buklen dagiti estudyante, young professionals, abogado, akademiko, civil society organizations ken dadduma pay
Inlawlawag ti grupo a ti nasao nga addang ket saan a mangipakpakita ti anyaman a posisyon seknan iti panagbalin nga inosente wenno nagbasol ti bise presidente.
Impaganetget da a ti takder ti nabukel a grupo ket maipaayan ti respeto iti ‘constitutional process’ ken agbalin a papel ti publiko iti maisayangkat nga impeachment trial idiay senado.
Impaganetget ti Bantay Senado a ti panagusig ket saan a maipapan laeng iti politiko, partido, wenno eleksyon ngem ketdi iti desisyon ket rumbeng a nakabase iti ebidensya ken linteg nga awan ti mapaburan.
