LA UNION – Maysa a none-Filipina wenno puro a gangannaet iti naitandudo a Miss City of San Fernando ita a tawen 2018.
Iti kaunaan a gundaway iti pakasaritaan ti syudad ti Fernando, probinsiya ti La Union, maysa a gangannaet wenno Nigerian national iti nakagun-od iti korona kas Miss City of San Fernando, ni Chinyelumaka Cynthia Ugwu wenno “Cynthia Penelope” .
Iti 20-anyos a ni Ugwu ket naipasngay idiay Enugu, Nigeria, ngem immay nagadal ditoy Pilipinas.
Maysa isuna a third-year nursing student iti Lorma Colleges.
Kinuna na a ti pannakipaset na iti nasao a beauty pageant ket babaen iti suporta ken panangallokoy dagiti gagayyem na ken nakita na a maysa daytoy nga oportunidad tapno i-promote iti bukod na a pagilian.
Iti question and portion, sinalodsod ti hurado kenni Ugwu nu anya iti makuna na, nu pabor daytoy wenno saan iti maysa kadagiti nabara nga isyu ita ditoy pagilian, maipapan iti divorce bill.
Impaganetget na a nu adda laketdi iti balido a rason iti panagsina ti agassawa, maaklon na ti nasao a gakat, ngem nu awan ket saan koma nga isakripisyo iti masakbayan dagiti annak.
Kabayatanna, naitandudo met a Miss Barangay 2018 ni Mari Jo Quilon.
Dagiti dadduma pay a kandidata a nangabak ket isuda:
Miss City of San Fernando 1st Runner-up: Nina Sastrodemedjo
Miss City of San Fernando 2nd Runner-up: Jeniel Ela Estrella
Miss City of San Fernando 3rd Runner-up: Arvelyn Lubrin
Umabot iti 20 dagiti kandidata a nakipaset iti nasao a beauty pageant, nga isuti highlight iti 20th Cityhood Foundation Anniversary ita a tawen, nga addaan ti tema a “People’s City at 20: The Grand Reunion”.
Nagserbi met a hosts iti nasao nga event da Luis Manzano ken Queenie Rehman.
