LA UNION – Napaay iti Pinoy boxing champion a ni Nonito Donaire a makabales iti naisayangkat a rematch da kenni Japanese superstar ken undefeated Naoya Inoue para iti tallo a bantamweight world titles.
Daytoy ket kalpasan a napagtalinaed ni Inoue iti unified bantamweight titles ken iti nadalus a record na, iti mas kumbinsido a panangabak daytoy iti maikadwa a rikos ti laban kontra kenni Donaire idi rabii idiay Super Arena, Saitama, Japan.
Natumba ni Donaire iti maikadwa a daras iti second round idi matamaan ni Inoue iti left hook daytoy.
Insardeng ti referee a ni Michael Griffin iti laban iti oras a 1:24.
Nakakadkadlaw a groge pay laeng ni Donaire iti second round, kalpasan nga immuna a na-knockdown sakbay a nagleppas iti first round idi matamaan ti left hook ti nabirngasan a ‘ Monster’.
Sakbay dayta, idi mangrugi pay laeng iti umuna a rikos ket nagbalin nga agresibo iti pannakilaban ti Pinoy boxer, ngem iti udi ket nakasubbot ni Inoue babaen iti nabileg ken napigsa a kattigid a danog daytoy.
Adu iti nangpadaan iti nasao a laban nangruna ket nagbalin a most exciting fight iti immuna a laban da Inoue ken Donaire idi 2019 wenno tallo a tawenen ti napalabas bayat a tallo a tituloiti naglabanan dagitoy iti kalkalpas a rematch bout.
Immuna nga ingkari ti The Filipino Flash a tumbaen na iti umuna a gundaway iti kampeon a ni Inoue tapno pagmaymaysaen na koma iti tallo a korona, ngem napaay daytoy.
Iti showdown dagiti agkaribal idi 2019 ket nagbalin a Fight of the Year.
Kalpasan iti pannakaabak na, ni Donaire ket addaan itan ti record a 42 wins, 7 losses ken 28 via knockouts idinto nga iti undefeated Japanese star ket nagtalinaed a nadalus iti record na a 23 wins, awan pay abak na ken 20 iti nangabakan na a knockouts.
Iggem ita ni Inoue iti WBC belt ni Donaire ken napagtalinaed na iti WBA ken IBF 118-pound titles daytoy, a nadepensaan na iti nagsasaruno nga uppat a panangabak.
Isuna pay iti akin-iggem iti Ring Magazine/IBF bantamweight crown sipud 2019.
Aganay 10 a tawen iti baetan ti edad dagitoy wenno 39-anyos ni Donaire idinto a 29-anyos ni Inoue.
Naminsan manen a pinaneknekan ti Japanese champ nga isuna pay laeng ti ari iti 118 division ken maysa kadagiti world’s best pound-for-pound fighter.
Kabayatanna, target ita ni Inoue nga isaruno iti koleksiyon na iti WBC crown nga iggem ni Paul Butler ti England.
Nu mapasamak daytoy, isuna iti agbalin a kaunaan a unified champion iti 118 pounds iti panawen ti 4-belt era.
