Inkari ti North Atlantic Treaty Organization (NATO) iti agtultuloy ken panangpapigsa ti suporta iti Ukraine kasaruno ti kabaruan a panagraut ti Russia iti asideg ti beddeng ti Ukraine ken Poland.
Segun kenni NATO Secretary-General Mark Rutte, saan a rumbeng nga agrukma dagiti kaalyado iti nasao a panagraut ket kasapulan a nayunanda ti tulong iti Ukraine, karaman dagiti alikamen a manglaban iti air attacks.
Sumagmamano a report iti nagkuna a tinamaan ti drone ti Russia iti maysa a pampasahero a tren asideg ti border, sumagmamano a kanito kalpasan a nadalanan ti diplomatic train a nagluganan ti sigud a Prime Minister Boris Johnson ken dadduma pay a European diplomats iti lugar.
Kabayatanna, kenuna ti Poland a kasapulan met a papigsaen iti panagsagana ken panagsungbat daytoy iti kumarkaro a pangta iti daya a paset ti pagilian.###
