Nagkampeon ti North Korea iti Asian Women’s Champions League kalpasan a maabakda iti Tokyo Verdy Beleza ti Japan babaen ti iskor nga 1-0.
Daytoy met iti umuna nga sports team ti North Korea a bimmisita idiay South Korea iti uneg ti walo a tawen.
Nagbalin a tulbek iti pannangabak ti Naegohyang Women ni Kim Kyong Yong kalpasan a makaiskor sakbay a malpas iti first half ti ay-ayam idiay Suwon City, South Korea.
Ibilbilang ti women’s football kas maysa kadagiti kapigsaan nga international sports program ti North Korea gapu ta regular daytoy a sumalsali kadagiti kompetision iti Asya ken dadduma pay a pagilian.
Gapu iti pannangabak, kualipikadon ti North Korea iti FIFA Women’s Champions Cup.###
