LA UNION – Natay iti maysa a maibilang a notorious member ti communist terrorist group (CTG) ken agpapaay a sekretaryo iti Komiteng Larangang Guerilya Sierra Madre (KLG-SM) kalpasan a limmaban kadagiti otoridad a mangiserbi koma iti warrant of arrest daytoy idiay Nueva Viscaya.
Nabigbig daytoy iti nagan a Rommel Tucay ken agu-usar ti maysa dosena nga aliases kas iti “Isaac/Elmo/David/Steve/Abraham/Peter/Samuel/Moises/Alfred/Ed/Ben and Victor”.
Segun kenni Lieutenant Colonel Honorato Pascual Jr., commanding officer ti 84IB, iserbi koma dagiti kameng ti Dupax Del Sur Municipal Police Station kadwa da iti tropa ti 84th Infantry Battalion iti Warrant of Arrest idiay Brgy. Kimbutan, Dupax Del Sur, Nueva Viscaya idi March 12, 2021 ngem maipagarop a pinaputukan ni Tucay dagiti otoridad.
Bimmales met ti putok dagiti otoridad, banag a nakatayan ni Tucay.
Base iti report, ni Tucay ket sumangsango iti naduma-duma a criminal charges kas iti Attempted Homicide; Homicide; two counts of Murder and Multiple Frustrated Murder.
Narekobre dagiti otoridad manipud iti ikot ti suspek iti maysa nga 9mm pistol, cellphones ken tablets; handheld radios; flash drives ken memory cards; books and pamphlets; identification cards; taraon ken personal belongings daytoy.
