Iningetan ti Office of Civil Defense (OCD) iti panagrespondeda idiay Albay kalpasan a naapektaran ti ashfall manipud Mayon dagiti 52 a barangay idiay Guinobatan, Camalig, ken Ligao City.
Segun ti OCD, agtultuloy ti road clearing, distribution ti face mask, danum, ken koordinasion kadagiti ahensia bayat nga agtaltalinaed iti Alert Level 3 iti buklan ken maipatungpal iti pannakaiparit ti panagsirrek iti 6-kilometer Permanent Danger Zone.
Timmulong iti clearing operations ti Bureau of Fire Protection, Department of Public Works and Highways, ken ti Philippine National Police tapno dagus a madalusan dagiti kangrunaan a kalsada ken masigurado iti kinatalged dagiti motorista.
Idinto a nagballaag met dagiti otoridad a saan a sumrek iti danger zone ken panagtayab dagiti eroplano asideg ti bulkan.
Kabayatanna, impalagip ti PHIVOLCS iti pangta ti panagtinnag ti bato, panagayus ti lava, pyroclastic density currents wenno uson, panagbettak, ken lahar manipud iti bulkan nangruna no adda ti napigsa a tudo.###
