LA UNION – Nangrugin a naikkan tii insentibo nataegan nga Octogenarian, Nonagenarian ken Centenarian idiay San Gabriel, La Union.
Daytoy ket maiyannurot iti Provincial Ordinance Number 381-2022 wenno maaw-awagan a Granting Monetary Incentives kadagiti nataengan.
Maipalagip a nakailanad iti nasao nga ordinansa, a makaawat iti insentibo a 5,000 pisos dagiti agtawen ti 80 agingga 94; 10,000 pisos dagiti agtawen ti 95 agingga 99 ken 25,000 pisos para kadagiti agtawen ti 100.
Iti pannakaipaay dagiti insentibo ket indaulwan ni Mayor Lanie Carbonell ken ti Municipal Social Welfare Development Office (MSWDO) ti nasao nga ili.
Iti kasapolan nga iparang wenno ipakita a mangipaneknek iti edad ket Birth Certificate, Photocopy ti Valid ID ken Brgy. Certification.
