Karaman ti higante a pugita nga agrukod ti agingga 62 feet (19 metro) kadagiti kangrunaan a predator iti taaw, agarup 100 million a tawenen ti napalabas, segun ti baro a panagadal a nakatakuat kadagiti fossil a nailemmeng iti uneg ti solido a bato.
Iti maysa a panagadal a naipablaak iti journal Science, nangipakita dagiti pagilasinan ti nakaro a pannakausar ti panga manipud iti panangrumek kadagiti natangken prey agraman dagiti shell ken tulang, babaen kadagiti napreserba nga specimen.
Segun ti coauthor a ni Yasuhiro Iba, maysa nga associate professor ti Earth and planetary sciences idiay Hokkaido University, posible nga addaan ti kabaelan dagiti higante a pugita kas apex predator iti Cretaceous sea.
Innayonna pay a naklaatda agsipud ta limitado unay dagiti fossil record dagiti octopus, ken ti panangbirok kadagiti dakkel nga ayup ket napateg iti ekolohia ti Cretacious ocean.
Dagiti napukawen nga ayup, nga addaan ti scientific name a Nanaimoteuthis, ket agatiddog ti agarup 23 agingga iti 62 a kadapan (7 agingga iti 19 a metro). Pinattapatta dagiti researchers ti pakabuklan a kadakkelda babaen ti panang-extrapolate manipud iti kadakkel dagiti beak specimens.
Maibasar iti panagadal ken iti sientipiko a rekord, karaman dagiti dadakkel a parsua kadagiti kaunaan a finned octopus, nga addaan ti paddle-shaped fins a payak iti uloda.
