Impasigurado ti Office of the Solicitor General (OSG) a mangisumiteda ti komento iti Supreme Court of the Philippines maipapan iti petision ni Senador Ronald dela Rosa a maibusor iti warrant of arrest ti International Criminal Court (ICC).
Inikkan ti Korte Suprema iti Ehekutibo ti 72 oras tapno mangipasa ti komento iti kaso manipud idi na-upload iti resolusion iti eCourt PH ken naipablaak iti website daytoy.
Masapul a maisumite iti komento ti OSG sakbay iti deadline ita a Sabado, Mayo 16, alas-6:44 iti rabii.
Segun ti OSG, obligasionda nga ibagi ken salakniban iti estado kadagiti legal a saritaan isu a sungbatanda dagiti naidatag a petision ti senador iti Korte Suprema.
Karaman kadagiti respondent iti petision ti Office of the Executive Secretary, Department of Justice (DOJ), ken Department of the Interior and Local Government (DILG).
Immunan a nangipila iti kampo ni Dela Rosa ti petision para ti temporary restraining order (TRO) tapno lappedan iti panangipatungpal ti ICC arrest warrant a maibusor kenkuana, ngem saan a pinalubosan ti Korte Suprema.###
