Awan iti nagun-od nga alokasyon iti Office of the Vice President para ti confidential funds iti sidong ti singasing a 2025 national budget.
Daitoy ket kalpasan a pormal nga insubmitir ti Department of Budget and Management iti kopya ti 2025 National Expenditure Program idiay Kongreso.
Iti nadakamat a singasing nga 2025 national budget, natapyasan iti pakabuklan a para kuma iti Confidential and Intelligence Funds (CIF).
Kinuna ni Budget Secretary Amenah Pangandaman a manipud iti P12.38-B nga Confidential and Intelligence Funds ita nga tawen ket natapyasan daitoy ken umabot lanen iti P10.29 billion inton umay a tawen.
Sgun pay kenni Pangandaman, katupag daitoy iti 16% a panagbaba nu idasig ti 2024 national budget.
Sumagmamano pay nga ahensya iti bimmaba iti pondo na iti singasing a 2025 national budget, pakairamanan iti mismo nga Kongreso.
Kabayatanna, impasiguro ni Pangandaman a kasapulan ti amin nga ahensiya a sumurot iti guidelines iti panagusar iti Confidential ken Intelligence Funds.
