LA UNION – Naipunponen iti bangkay ni Arlyn Nocus, ti Overseases Filipino Worker (OFW) a natay iti napasamak a car crash idiay Lucky Plaza Mall idiay pagilyan ti Singapore.
Idiay public cemetary iti ili ti Caba, La Union a naipunpon iti bangkay ti nasao nga OFW.
Mapatta-patta a 200 a tattao iti nakipaset ti funeral march a pakaibilngan dagiti gagayyem, makaam-ammo ken kakabagyan dagiti Nucos.
Nasaripatpatan met iti nasao a punpon dagiti kameng ti OWWA ken iti dadduma pay nga opisyal ti gobyerno.
Kabayatanna, agyamyaman met iti pamilya ni Arlyn kadagiti nangidanon iti tulong ken nakipagladingit.
Maipalagip, ekesakto tallo a lawasen ita nga aldaw idi na napasamak ti trahedya a nakatayan iti dua nga OFWs ken apat ti nasugatan kabayata nga isuda ket naka-day off idi December 29, 2019 idiay Singapore.
