LA UNION – Arestado iti maysa nga Overseas Filipino worker (OFW) gaputi kaso a panaglabsing iti R.A. 9262 wenno Anti-Violence Against Women and their children (VAWC) Act.
Maiyannurot daytoy iti inyetnag a warrant of arrest, napetsaan ti June 22, 2017 ni Presiding Judge Ferdinand Fe ti RTC First Judicial Region Branch 67 idiay Bauang, La Union.
Inserbi dagiti otoridad ti mandamiento de aresto kontra iti managan Keithly Malab, 31, addaan asawa, iti mismo a pagtaengan da idiay Barangay Angin, Naguilian, La Union.
Base iti report, nakabalud itan iti suspek ken awan ti nairekomenda a piyansa para iti temporaryo koma a pannakawaya-waya daytoy.
