LA UNION – Dayawen iti maysa nga overseases Filipino worker idiay Singapore ti kinasayaat iti amona iti tengnga ti mapaspasaran a krisis gapu iti panagraira ti COVID-19.
Iti pannakiuman ti Bombo Radyo kenni Vicky Valdriz-Valdez a tubo iti San Juan, La Union ken agtratrabaho iti nasao a pagilyan, kinuna a numan saan daytoy a makarruar iti pagtaengan a pagserserbianna ket iti mismo nga employerna ti manggatgatang iti kasapulanna.
Inlawadawan pay ni Vicky, nga uray addada iti uneg ti balay ket agtungtungpalda iti social distancing.
Narigat kinunana iti rummuar ti pagtaengan nga awanan ti naikalintegan a rason gapu ta dakkel iti multa nga ipataw dagiti otoridad.
