LA UNION – Iti tengnga ti panagkararag na sakbay a maturog, kellaat a napa-ikkis ni Sharon Roma, maysa a pinay worker idiay Taiwan, idi marikna na iti gingined idi rabii ti Martes.
Base iti nakalap nga impormasyon ti Bombo Radyo La Union kenni Roma, tubo ti Isabela ken agdama a nakabase idiay Taipei, Taiwan a dimmanon agingga iti capital ti nasao a pagilian, iti kaadayu a 160 km manipud iti sentro ti magnitude 6.4 earthquake idiay Hualien City.
Kinuna na a nagpaut ti maysa a minuto iti narikna na a panaggun-gun iti daga.
Agingga ita kunana ket saan pay a naan-anay a napunas iti buteng da, nangruna ket agtultuloy iti marikrikna nga aftershocks.
Kinumpirma na pay a nangrugi a nakarikna da iti nakakapsot a panagdayyeg idi napan a lawas agingga a napasamak ti kapigsaan idi rabii ti Martes.
Kabayatanna, immapela ni Roma kadagiti umili a Pilipino nga ikararag iti kinatalged dagitoy.
