LA UNION – Naidatag iti cuerpo ti pulisiya idiay Bauang, La Union iti maysa nga Overseas Filipino Worker (OFW) agraman iti lima pay asabsabali, a naaresto iti nagsina nga anti-illegal gambling operation dagiti otoridad idiay Barangay Calumbaya ken Barangay Acao idiay ili ti Bauang.
Dagiti naarestar ket maipagarop a naaktuan dagiti otoridad nga agsug-sugal ti tong-its.
Agpapada nga adda iti umno nga edad dagiti nakemmeg, pakairamanan iti 40-anyos nga OFW ken 77-anyos met iti kataengan.
Malaksid iti dua a set a playing cards, nakumpiskar pay dagiti otoridad iti nasurok P500 a bet money.
Sumangsango dagitoy iti kaso a panaglabsing iti P.D. 1602 wenno anti-illegal gambling law.
