LA UNION – Agyaman latta iti OFW a ni Belarie de Leon Baldos kadagiti tattao a nakatulong kenkuana tapno mabirok iti sap-sapolen na nga ina na, 23 a tawenen it i napalabas, nupay naamwan na a pimmusayen daytoy idi napan a tawen.
Immuna ti daytoy, nagpanawagan ni Belarie babaen iti panag-post na iti FB page ti Bombo Radyo La Union kadagiti makaam-ammo iti ina na a ni Clarita Betonis de Leon.
Dagus met a simmungbat dagiti netizens a makaam-ammo iti ina na ken impaka-ammo da a pimmusayen daytoy.
Naamwan nga idi sibibiag pay ti ina ni Belarie a ni Clarita ket nagturong ditoy La Union ken nagnaed iti sumagmamano a tawen, sakbay a nagsubli idiay Mindanao.
Partikular a pinagyaman na dagiti tattao a nangipaay kenkuana iti impormasyon, da Remie de Castro Busansog, Charlie Busansog, Marjorie Dingayan Amboni, Chad Moreno Coloma, Agnes Agmata Managad ken iti tulong ni Mr. Elmer Tubiera, station manager ti Bombo Radyo La Union.
Kabuyog iti nasao nga impormasyon iti ladawan ti ina idi pimmusayen daytoy.
