LA UNION – Mas nagas-gasat dagiti Pilipino agsipudta adda maaw-awat dagitoy a relief goods ken cash aid nga agtaud iti gobyerno, kumpara iti dadduma a pagilian.
Segun daytoy kenni Tita Bisquera, tubo ti Luna, La Union ken OFW idiay Brussels, Belgium.
Iti eksklusibo a pannakiuman ti Bombo Radyo kenni Bisquera, kinuna na nga adda it-ited ti gobyerno ti Belgium a financial aid, ngem daytoy ket nagtaud iti monthly contribution da a €500- €700 nga ibay-bayad da depende iti suweldo para iti pension, social security, ken unemployment.
Iti €500 – €700 ket kaibatugan iti nasurok P27,000-P38,000.
Kinuna pay ni Bisquera nga isuda mismo iti aggat-gatang ti amin a kasapolan da kadagiti grocery stores.
Maika-10 iti Belgium kadagiti pagilian ditoy lubong a kangrunaan a naapektaran iti COVID 19.
Iti agdama, umaboten iti 34,809 iti COVID cases idiay Belgium ken 4,857 ti death toll.
