LA UNION – Apagapaman a nabang-aran dagiti pinoy workers idiay pagilian a Jordan kagiddan iti limmukay nga allagaden nga ipatpatungpal ti gobyerno, iti pananglabanan ti COVID 19.
Impadamag iti Bombo Radyo La Union ti maysa kadagiti Bombo Int’l. News Correspondent idiay Jordan a ni Emily Villanueva, tubo ti San Juan, La Union a nakagin-awa metten dagiti sumagmamano nga OFWs, agsipudta mabalin dan ti rumuar nu day-off dagitoy kalpasan ti aganay dua a bulan a pannaka-pupok da gaputi naipatungpal a quarantine restrictions tapno lapdan iti panagwaras ti deadly virus.
Nupay kasta, nagbalinen a mandatory iti panagsuot ti face mask ken social distancing, kas safety measure kontra COVID 19.
In-inut metten nga agsub-subli iti public transportation sadiay ngem nadlawan da iti ngimmatu a presyo dagiti gagatangen.
Malaksid dayta, masurot latta iti maipatpatungpal a curfew, manipud alas 8:00 ti agsapa agingga alas 12:00 ti tengngat parbangon.
