LA UNION – Posible nga saan pay laeng a makaawid iti pagilian dagiti Filipino Overseas Workers (OFW’s) manipud pagilian a Qatar.
Iti exclusive interview ti Bombo Radyo La Union kenni Bernardino Apilado, residente ti San Fernando City, La Union a madama nga agtabtrabaho kas construction worker iti nasao a pagilian, kinuna na a ngimmina ti bayad dagiti plane ticket ken suspendido met ti flight dagiti eroplano.
Malaksid iti nangina a bayad ti plane ticket agpampanic buying met dagiti OFW’s no sadino ngimmato iti presyo dagiti gagatangen kas ti patatas a sigud ket Riyal ita ket magatangen iti 10 Riyal.
Kabayatan na, madanagan met daytoy nga amangan mangikkat ti empliyado ti pagpapaayan na a construction company gapu iti masansan a delay wenno masasaed ti isasangpet dagiti construction materials da.
Nupay kasta, agtaltalinaed a kalmado ti sitwasyon ita iti pagilian a Qatar iti tenga ti panangputed ti koordinasyon ti Saudi Arabi gapu iti panangsuporta ti imun-una kadagiti terorismo a grupo.
