Impasigurado ti Department of Energy (DOE) nga umdas iti 50 nga aldaw iti supply ti langis, bayat a maur-uray iti panagsangpet ti kanayunan a buffer stocks.
Segun kenni DOE Undersecretary Sandy Sales, mapatta-patta a 900,000 barrels ti langis iti naikeddeng a sumangpet ita a bulan.
Karaman ditoy iti immuna a 300,000 barrels a manamnama a sumangpet sakbay ti Abril 10 manipud Malaysia, ken sumaruno a sumangpet dagiti dua a shipment manipud North Asia ken India.
Kenuna ni Energy Secretary Sharon Garin nga iti buffer stocks ket maala iti sidong ti Emergency Energy Security Program, ken addaan ti umdas a panawen iti pagilian a mangnayon ti suplay no kasapulan.
Maibasar iti datos ti ahensia, dumanon ti 47 agingga 100 nga aldaw iti agdama a supply ti gasolina, diesel, ken dadduma pay a produkto, depende iti klase.
Iti laksid daytoy, agtaltalinaed a nangato iti presyo ti langis idiay Metro Manila ken dadduma pay nga urban areas. Ti presyo ti gasolina ken adda iti baetan ti ₱87.90 aginggana ₱104.10 tunggal litro bayat a ₱154.20 iti diesel.###
