Inikkaten ti Ombudsman dagiti restrictions iti panagala ti Statement of Assets, Liabilities, and Net Worth (SALN) dagiti opisial ti gobierno babaen ti bileg ti Memorandum Circular nga nairuar idi kalman.
Panggep daytoy nga ilungalong iti tranparency kas depensa kontra korapsion, agsipudta adda ti karbengan ti publiko a maamuan no kasano a naala ken namanehar dagiti opisial iti kinabaknang da.
Mabalinen a mainspeksion ken makopya dagiti SALN, 10 nga aldaw kalpasan iti maudi nga aldaw ti submission manipud kadagiti amin nga ahensia ti gobierno.
Ti kiddaw ket rumbeng a maipasa iti Public Assistance and Corruption Prevention Office (PACPO) wenno Public Assistance and Corruption Prevention Bureau (PACPB).
Mabalin met a mangipila ti reklamo iti Ombudsman Field Investigation Office (FIO) no adda ti ebidensia ti saan nga mailawlawag a kinabaknang.
Adda dagiti impormasion a maikkat iti SALN sakbay a maipaay iti publiko, kas iti kumpleto nga address, detalye ti menor de edad nga anak, perma, ken dagiti ID numbers.
Saan met a maited iti SALN no iti panggep ket para iti komersial a panakausar wenno tapno maimpluwensiaan iti maysa a kaso.###
