Pinasingkedan ni Assistant Ombudsman Mico Clavano a naawaten ti Office of the Ombudsman iti partial committee report manipud iti opisina ni sigud a Senate Blue Ribbon Committee Chairperson Panfilo “Ping” Lacson mainaig iti imbestigasyon kadagiti maanomalya a flood control projects ditoy pagilian.
Segun kenni Clavano, maipasa iti report kadagiti case teams a mangas-asikaso kadagiti nagduduma a flood control cases para iti panagsukimat ken maiyannatup nga addang.
Partikular a nadakamat iti report da Senador Francis Escudero, Joel Villanueva, Jinggoy Estrada, sigud a Senador Ramon “Bong” Revilla Jr., Leyte Rep. Martin Romualdez, ken sigud nga House Appropriations Committee Chair Rep. Elizaldy Co.
Inrekomendar ti komite a maipasidongda iti preliminary investigasion, fact-finding investigation, wenno case buildup gapu iti posible a panaglabsing iti linteg kas iti direct bribery, anti-graft and corrupt practices, ken plunder.###
