Impasigurado ni Ombudsman Jesus Crispin ‘Boying’ Remulla a maipasidong ti panagamiris, evaluations, fact finding, ken preliminary investigation no kasapulan, iti reklamo nga impila ni sigud a Senador Antonio Trillanes IV.
Impila ni Trillanes dagiti reklamo a panaglabsing ti Plunder Law a sagudayen ti Republic Act No. 7080, Anti-Graft and Corrupt Practices Act ti RA No. 3019, ken Code of Conduct for Public Officials ti RA No. 6713 maibusor kada Senador Bong Go ken sigud a Presidente Rodrigo Roa Duterte maipanggep iti panakairaman da ti panakaipaay ti agarop pito billion a gatad dagiti
infrastructure projects iti kompania a kukua ti ama ti Senador.
Segun kenni Remulla, saan na a nakita iti nasao a reklamo idi isuna pay laeng iti sekretaryo ti Department of Justice.
Maipalagip nga impila ni Trillanes iti kapada a ‘plunder case’ kontra kada Go ken Duterte idi napalabas a tawen.
Inlawalawagna nga iti kapada a reklamo nga naipila iti Department of Justice ket gapo iti kinaawan ti aksion ti Ombudsman tapno maluktan iti imbestigasion, kasta met nga agtalek isuna nga aggunay iti case buildup sadiay.
Nagkedked met ni Remulla a kumpirmaren daytoy agsipud ta saan na a kayat nga un-unaan iti maipanggep ti isyu.###
