Binalakadan ni Ombudsman Jesus Crispin Remulla dagiti amin nga government officials a liklikan iti conflict of interest bayat nga agserserbi iti gobierno.
Innayon na pay a rumbeng nga agpili laeng iti nagbaetan ti negosio wenno pulitika.
Ti nasao a waragawag ket kasaruno ti agtultuloy nga imbestigasion kadagiti sumagmamano a manmanday-linteg a karaman iti sumagmamano nga anomalya.
Inpaganetget daytoy a rumbeng a maaddaan ti delikadesa iti tunggal pulitiko ken isardengen iti conflict of interest.
No tarigagay ti agnegosio ket isu langnen ti ipamaysa ken saanen a sumrek iti pulitika.
Kas iti nakasanayanen dagiti opisial ti gobierno nga agbalbalin a government contractors ket saan laeng a limitado kadagiti party-list.
Iti agdama ket adda dagiti im-imbestigaran da a dua a manmanday-linteg a karaman iti graft gapu iti panagtagikua wenno addaan ti koneksion iti maysa a construction service.###
