LA UNION – Dackel a tulong ken gin-awa para kadagiti residente nga ag-secure iti necessary travel documents iti nailukaten nga One Stop Shop area idiay Agoo, La Union.
Nangrugin iti operasyon ti nasao a One Stop Shop, para kadagiti residente idiay Agoo, nga agiproseso kadagiti kasapolan a dokumento para iti panagbiyahe, a kas iti travel permits, medical certificate ken PNP travel authority wenno travel pass.
Babaen iti nasao a wagas ket agbalinen a napaspas ti panangiproseso dagiti dokumento agsipudta maysa laengen a lugar iti pakasarakan dagiti opisina nga agiyisyu iti kasapolan a travel documents.
Malaksid dayta, nalawlawa iti lokasyon ken masiguro a masurot dagiti minimum public health standard.
Nakabase ti One Stop Shop area idiay Agoo Civic Center.
Nakalukat manipud Lunes agingga Biyernes, manipud ala una agingga alas 4:00 iti malem.
