LA UNION – Immakar kadagiti residential house iti operasyon ti Philippine Offshore Gaming Operator firms iti tengnga ti isay-sayangkat a crackdown ti gobyerno kadagiti online gambling facility ditoy pagilian kalpasan nga immandar ni Presidente Ferdinand Marcos Jr.
Daytoy iti kinumpirma ti National Bureau of Investigation kagiddan iti pannakaaresto iti 24 Filipino ken lima a foreigners a maipagarop a karaman iti nagduduma a klase ti scamming activities .
Segun kenni NBI-Cybercrime Division chief Jeremy Lotoc, dagiti naaresto suspek ket maipagarop a kameng ti splinter group ti POGO hub.
Kinuna na a gapu iti panang-parmek kadagiti iligal a POGO hub ken panangibiklin ti Presidente nga i-ban ti POGOs, inyakar iti offshore gambling firm ti operasyon kadagiti residential house kadagiti subdivision.
Aminado ti opisyal a narig-rigat ita a madetermina ken sapolen dagiti otoridad.
Segun met kenni NBI Director Jaime Santiago, dagiti naaresto a gangannaet ket buklen iti tatlo a Chinese, dua a Malaysian ken maysa a Pilipino.
Naaktuan dagitoy ti NBI iti insayangkat da nga operasyon iti maysa a pa-abangan a balay iti maysa a subdivision idiay ili ti Kawit.
Narekober manipud kadagiti naaresto nga indibidwal dagiti pre-registered SIM card, GCash accounts, computer, device a naglaun ti script, cellphone, ken text blast machines.
