LA UNION – Agsubli ita nga aldaw, Oktubre uno, iti operasyon ti Small Town Lottery (STL) ditoy probinsiya ti La Union.
Kinumpirma daytoy ni Danny Avecilla, presidente ti 1st la union leisure entertainment and gaming corporation ken sungbat metten kadagiti salodsod nu kaatnu nga agsubli iti STL operation.
Impaganetget ni Avecilla a nasurot da dagiti inyetnag a requirements ti PCSO tapno maituloy ti operasyon ken nairut da nga ipatungpal dagiti health protocols tapno lapdan iti panagwaras ti COVID 19, kas iti panagaramat ti face mask, face shield, ken panagusar ti alcohol.
Amin a lugar ditoy probinsiya nga agop-operate sakbay a naisardeng gaputi COVID pandemic, ket agsublin ti operasyon da ita nga aldaw.
Segun kenni Avecilla, iti 1st draw ket maisayangkat iti oras ti alas 10:30 ti agsapa, 2nd draw alas 3:00 ti malem, ken iti 3rd draw ket alas 7:00 ti rabii.
Aminado ni Avecilla a makatulong ti pannakaisubli iti STL operation tapno adda manen panggedan dagiti kabo ken adda mai-remit a pondo iti gobyerno.
Makunkuna a dackelen iti pukaw ti PCSO gaputi dandani innem a bulan a pannakaisardeng dagiti imat-matunan na nga ay -ayam, a pakairamanan ti Small Town Lottery.
