LA UNION – Inawagan ti rebel coalition group ti operasyon da iti “Operation Deterrence of Aggression”
Daytoy nga opensiba ket inyuswat dagiti armado a Syrian opposition groups nga indaulwan ti Hayat Tahrir al-Sham (HTS) ken sinuportaran ti kaalyado da a paksiyon manipud Turkey.
Iti HTS ket binuangay idi 2017 ken indaulwan ni Abu Mohammed al-Julani, maysa a military commander, nagserbi a young fighter iti terrorist network nga al Qaeda a limmaban iti Estados Unidos idiay Iraq.
Ni Julani iti nagserbi a gobernador idiay Idlib, Northwestern Syria iti sumagmamano a tawen, sakbay nga impatungpal na iti opensiba.
Siasino pay iti dadduma a karaman iti rebel coalition group?
Iti rebel coalition a nangpatakyas kenni Bashar al-Assad iti takem ket buklen dagiti Islamist ken naduma-duma a paksiyon, a laksid ti panagduma ti ideolohoiya dagitoy ket nagmaymaysa da a nanglaban iti rehimen Assad argaman iti kakadwa na nga ISIS ken militias a suportado iti kaalyado na nga Iran.
Kabilang iti nasao a koalisyon iti:
- Hayat Tahrir Al Sham (HTS) – nangidaulo ti operasyon babaen kenni Abu Mohammad al-Jolani. Isuna pay ti nangbuangay iti Jabhat al-Nusra, maysa nga affiliate ti al Qaeda idiay Syria ken simmina dagitoy iti terorista a grupo idi 2016 gaputi ideological differences, nangruna iti ISIS. Laksid ti panag-distansiya ti HTS iti al Qaeda ken ISIS, binirngasan latta daytoy ti US ken dadduma pay a Western countries kas terrorist organization idi 2018 ken pinatungan da pay ti ulo na iti $10 million a reward.
- Syrian National Army (SNA) – addaan ti dosena a faction ken nagduduma ti ideolohiya da. Iti nasao a puwersa ket umaw-awat ti suporta a pondo ken armas manipud Turkey.
- National Liberation Front – buklen ti nagduduma a factions kas iti Ahrar al-Sham, Jaish al-Izza ken Nour al-Din al-Zenki Movement
