Naingaton iti blue alert status iti operations center ti National Disaster Risk Reduction and Management Council (NDRRMC) para ti 2026 ASEAN Summit.
Epektibo iti nasao a panagngato itay alas-otso ti bigat ken agpatingga agingga Mayo 11 iti kapada nga oras.
Nabilin dagiti personnel manipud Armed Forces of the Philippines (AFP), Bureau of Fire Protection (BFP), Philippine Coast Guard (PCG), ken Philippine National Police (PNP) nga agduty iti NDRRMC tapno masigurado iti natibker a koordinasyon.
Kabayatanna, naipaayan ti direktiba dagiti amin a Regional Disaster Risk Reduction and Management Operations Center (RDRRMOC) nga imonitor ken ireport dagiti amin a mainaig nga insidente iti nasao nga aktibidad.###
