Maysa nga uram iti napasamak iti regional office ti Department of Public Works and Highways (DPWH) Cordillera Administrative Region idiay Baguio City idi malem, kalman.
Segun ti Baguio City Fire Station, naireport iti uram pasado alas-singko ti malem ken naideklara a fire-out iti oras nga alas-5:43.
Maibasar iti inisial nga assessment ti Bureau of Fire Protection (BFP), naapektaran iti uram ti mapatta-patta a 2 square meters ti opisina ken awan ti empleyado a nadangran iti nasao nga insidente.
Agtultuloy met iti imbestigasion ti Bureau of Fire Protection ken ti lokal a gobierno ti Baguio City.
