Nasesante iti puesto ti camp commander ti Sablayan Prison and Penal Farm idiay Occidental Mindoro kasta met dagiti kakadwa na nga officer on duty kasaruno iti gandat a panangipuslit ti arak, sigarilyo, ken tobacco iti uneg ti pagbaludan.
Segun kenni Bureau of Corrections (BOC) Director General Gregorio Pio P. Catapang Jr., madama nga adda sadiay Directorate for Personnel and Human Resource Development idiay National Headquarters ti Muntinlupa City dagiti nasao nga opisyales para iti imbestigasyon.
Maibasar iti report, naisakay dagiti kontrabando babaen ti maysa a dump truck a napunno ti darat ken graba a naipara iti sanguanan ti ospital.
Kinuna iti driver a managan a Rob Antaran, addaan ti permit ti kargamento a pinermaan ti agnagan ti “Madrid” tapno maiserrek ti truck iti bisinidad ti Sablayan Prison ang Penal Farm.
Nagdudua dagiti otoridad kalpasan a nagkedked iti driver nga idiskarga dagiti kargamento ken kamaudiananna ket nagpudno metlaeng nga adda iti laok na a kontrabando dagiti darat ken graba.
Gapo iti daitoy ket narekobre ti aganay 213 a bote ti 1L ken 48 a bote ti 700ML nga Ginebra San Miguel, 16 a bote ti 1L ken 2 a bote ti 700ML a Jack Daniel’s Whiskey, 30 a ream ti Marlboro cigarettes a tig-10 packs per ream, 69 reams ti sabali pay a tobacco nga addaan metlaeng ti 10 packs per ream, 10 packs ti tobacco nga addaan ti 6 bricks per pack, ken 37 sticks ti mismo a tobacco.
Iti agdama ket im-imbestigaran pay ni Catapang nu adda iti napasamak a kinnunnsabo iti gandat a panangipslit kadagiti kontrabando iti nasao a pasilidad.
