LA UNION – Balligi iti impatungpal nga “Oplan Harabas” ti Philippine Drug Enforcement Agency (PDEA) iti tallo a sites ditoy rehiyon uno idi kalman, Abril 8, 2022.
Iti “Oplan Harabas” ket maysa a surprise drug testing kadagiti drivers ken conductor iti naduma-duma a bus company ken bus terminal.
Ditoy rehiyon uno, tallo nga area iti nakaisayangkatan daytoy a pakaibilang iti dua a site ditoy La Union ken maysa idiay Dagupan City, Pangasinan.
Iti interview ti Bombo Radyo La Union kenni Mariepe de Guzman, agdama a PDEA Regional Information Officer, iti “Oplan Harabas” kunana ket mangsiguro iti kinatalged dagiti pasaheros nga agbiyahe, nangruna ita a mangrugin nga umadu dagiti pasaheros nga agawid kadagiti bukod da a probinsiya para iti pananglagip ti semana santa.
Iti simultaneous a surprise drug testing iti intero a pagilian ket indaulwan ti PDEA, kabinnulig da iti dadduma pay a law enforcement unit ken Dept. of Health.
Maiyannurot daytoy iti RA 10586 wenno An act penalizing persons driving under the influence of alcohol, dangerous drugs, and similar substances, and for other purposes.
