Nangisayangkat ti libre a Dental Services iti 1305th PAF Dental Dispensary (DD) iti sidong ti 585th Air Base Group, Air Installation and Base Development Command idi, Pebrero 17, 2026 idiay Barangay Naguituban, San Juan, La Union.
Kagiddan daytoy iti pannakarambak ti National Dental Health Month nga addaan ti tema ita a tawen a “Dentista’y Kaagapay sa Ngiting Walang Humpay,” ken nakabinnadangda ti Department of Health (DOH Ilocos Region) ken dagiti opisial ti Barangay Naguituban.
Babaen iti nasao nga outreach program ti Philippine Air Force, naipaayan ti oral health education ken awareness sessions, topical fluoride application, oral prophylaxis ken tooth extraction services wenno panagbag-ot iti ngipen dagiti residente.
Naipatungpal ti aktibidad iti sidong ti liderato ni COL Nichols P. Camacho.
