Pinasingkedan ti Office of the Vice President (OVP) a naawatdan iti summons nga inisyu ti Senate Impeachment Court para kenni Bise Presidente Sara Duterte.
Segun iti Opisina ti Maikadua a Presidente, naawatda itay alas-10:40 ti bigat iti summons.
Immunan nga inpasigurado ti defense team ni VP Sara a sumurotda iti summons ti Impeachment Court a maitunos iti Konstitusion ken applicable rules.
Mano metten a daras nga inwaragawag ti Bise a nabayagen a pagsagsaganaanda iti impeachment case a naipila kontra kenkuana.
Kabayatanna, mapaspasungadan iti agbalin a reaksion ti defense team iti singasing a palubusan iti online voting para iti Senate impeachment trial.###
